काठमाडौं । नेपालमा लिपमोटर सवारीसाधनको एक मात्र अधिकृत आयातकर्ता सांग्रिला मोटर्स प्रालिले आगामी नाइमा मोबिलिटी शोमा बहप्रतीक्षित लिपमोटर बी१० सार्वजनिक गर्ने घोषणा गरेको छ ।
२१औँ सांघाई अन्तर्राष्ट्रिय अटोमोबाइल उद्योग प्रदर्शनी– अटो सांघाई २०२५ मा अन्तर्राष्ट्रिय रूपमा डेब्यु गरेको बी१० अब विश्वव्यापी बजारमा प्रवेश गर्ने तयारी अवस्थामा छ । तीमध्ये नेपाली बजारमा यसको आगमन हुने पक्का भएको छ ।
लिपमोटरको ३.५ आर्किटेक्चरमा निर्मित बी१० वातावरणप्रति सचेत र प्रविधिमैत्री उपभोक्ताहरूका लागि डिजाइन गरिएको हो र यसले प्रदर्शन, नवप्रवर्तन र दिगोपनको उत्कृष्ट सम्मिश्रण प्रदान गर्दछ । सो गाडीका विशेषताहरू नाइमा मोबिलिटी शोमा सार्वजनिक गरिनेछ ।
