काठमाडौं । आज स्थानीय बजारमा सुनचाँदीको मूल्य वृद्धि भएको छ । बुधबारको तुलनामा बिहीबार उच्च घटेको सुनचाँदीको मूल्य आज पुनः बढेको हो । नेपाल सुनचाँदी व्यवसायी महासंघका आज सुनको मूल्य प्रतितोला १ लाख ८४ हजार ८ सय रुपैयाँ कायम भएको छ । जुन बिहीबारको तुलनामा प्रतितोला ३ हजार रुपैयाँले बढेको हो ।
यसअघि बुधबारको तुलनामा बिहीबार प्रतितोला ३ हजार ५ सय रुपैयाँले घटेको थियो । बिहीबार सुनको मूल्य प्रतितोला १ लाख ८१ हजार ८ सय रुपैयाँ थियो ।महासंघका अनुसार आज चाँदीको मूल्य भने प्रतितोला १ हजार ९ सय ४५ रुपैयाँ छ ।
यसअघि बिहीबार चाँदीको मूल्य प्रतितोला १ हजार ९ सय २५ रुपैयाँ थियो । जसको आधारमा आज चाँदीको मूल्य प्रतितोला २० रुपैयाँको दरले बढेको महासंघले जनाएको छ । आज अन्तराष्ट्रिय बजारमा सुनको मूल्य प्रतिऔंश ३ हजार २२० डलरमा किनबेच भइरहेको छ ।
