काठमाडौँ । दसैँ नजिकिँदै गर्दा फोटोन नेपालले आफ्ना ग्राहकहरूलाई खुसी बनाउने उद्देश्यले आफ्ना चर्चित मोडेलहरू फोटोन इभि भ्यान र फोटोन टिएम वानमा लिमिटेड टाइम स्पेसल अफर ल्याएको छ। नेपालीहरूको महान चाडको बेलामा गाडी लिन अझ सजिलो, लाभदायक र रमाइलो बनाउने उद्देश्यले कम्पनीले यस्तो अफर ल्याएको हो ।
यो दशैँमा फोटोनले इभि भ्यान स्किममार्फत उत्सवलाई अझै विशेष बनाउने भएको छ । इभि भ्यान बुक गर्ने ग्राहकहरूले यामाहा बाइक, ५५ इन्चको स्मार्ट टिभी, वाशिङ मेसिन र फ्रिज जस्ता आकर्षक उपहार पाउनेछन्।
कम्पनीका अनुसार त्यसमा थप, हरेक बुकिङमा स्योरशट ग्याजेट सामसुंग मोबाइल ए०७ (६+१२८ जिबी) उपहारको रूपमा दिइनेछ, जसले यो उत्सवमा फोटोन परिवारमा जोडिन अझ सजिलो र फाइदाजनक बनाउने छ।
यो उपहारसँगै यस अफरमा १ वर्षको फुल इन्स्युरेन्स (अटो प्लस) र क्यासलेस इन्सुरेन्स समावेश छन्। फोटोनले ग्राहकहरूको सहजताका लागि थप सुविधा स्वरूप ५ पटकसम्म निस्शुल्क सर्भिसिङ र फ्रन्ट ब्रेक प्याडको सेट पनि निःशुल्क उपलब्ध हुनेछ। र, ग्राहकहरूका लागि अन्तिम बोनस स्वरूप, पूरा आर्थिक वर्षको रोड ट्याक्स पनि कम्पनीले नै व्यहोर्नेछ।
फोटोन टिएम वान दशैँ स्किममा पनि आकर्षक अफरहरू छन्। टिएम वान अब दशैँ विशेष मूल्य २६ लाख ९९ हजार रुपैयाँ (६ लाख ७५ हजार छुटपछि) मा उपलब्ध हुनेछ। साथै, हरेक खरिदकर्ताले स्योरशट बुकिङ उपहार पाउनेछन्।
सुरक्षा र निश्चिन्तताको लागि यस स्किममा १ वर्षको सम्पूर्ण सवारी बीमा र क्यासलेस बीमा निःशुल्क दिइनेछ। त्यसैगरी, पूरा आर्थिक वर्षको रोड ट्याक्स पनि कम्पनीले नै भर्ने भएकाले यो अफर अझै सजिलो र लाभदायक बनेको छ।
यी अफर मार्फत फोटोन नेपालले केवल गाडी मात्र होइन, भ्याल्यु, केयर र इको-फ्रेन्डली मोबिलिटी पनि उपहार दिनेछ। ईभी भ्यान र टिएम वान दुवै कम्फर्ट, इफिसियन्सी र रिलायबिलिटीका लागि बनेका गाडीहरू हुन्, जसमा अब दशैँ–तिहार बोनस पनि थपिएको छ।
फोटोनले सबैलाई नजिकको सोरुममा आउन, आएर यी चाडपर्व विशेष स्किमहरू हेर्न र यस उत्सवलाई नयाँ फोटोन गाडी लिएर अझै रमाइलो बनाउन आग्रह गरेको छ ।
