काठमाडौं– आइतबार सर्वोच्च अदालतका तीन वटा इजलासमा कुल २ सय ५६ वटा बैंकिङ कसुरसम्बन्धी मुद्दाको पेसी तोकिएको छ।
-
न्यायाधीश नहकुल सुवेदी र बालकृष्ण ढकाल: संयुक्त इजलासले गत भदौ २४ मा भएको आगजनीका कारण जलेका १ सय २२ वटा मुद्दाको मिसिल प्राप्तिको आदेश दिएको छ।
-
न्यायाधीश शारङ्गा सुवेदी र श्रीकान्त पौडेल: गोपाल प्रसाद तिमिल्सेनाको बैंकिङ कसुरसम्बन्धी मुद्दा हेर्न नमिल्नेमा राखिएको छ।
-
प्रधानन्यायाधीश प्रकाशमान सिंह राउत र मेघराज पोखरेल: संयुक्त इजलासमा मात्रै १२३ वटा मुद्दा तोकिएका छन्, जसमा १२ वटा मिसिल जलेका छन्।
यीमध्ये एउटै व्यक्तिका धेरै मुद्दा परेका कारण र धेरैजसो बैंकिङ कसुरको पेसी सोही इजलासमा परेकोले मुद्दा संख्या बढी देखिएको सर्वोच्चले जनाएको छ।
त्यस्तै, चिरन बादे श्रेष्ठ र अखिल देवकोटाले नेपाल सरकारलाई विपक्षी बनाएर दिएको ३० वटा मुद्दा पनि प्रधानन्यायाधीश राउत र न्यायाधीश पोखरेलको इजलासमा सुनुवाइका लागि तोकिएको छ।
