नेपाल नम्बर एक प्रो खेलाडी निरज तामाङ, भुवन नगरकोटी र एमेच्योर गल्फर रुबेन थापा संयुक्त –पमा सातौँ स्थानमा रहे । उनीहरूले समग्रमा ६–ओभर २२२ स्कोर बनाए । रूबेन र निरजले ४–ओभर ७६ को स्कोर गर्दा भुवनले ५–ओभर ७७ को खराब प्रदर्शन गरे ।

यस्तै, प्रदीपकुमार लामा र एमेच्योर साम डोबलार्ड समग्रमा ७–ओभर २२३ सहित संयुक्त रूपमा दशौँ स्थानमा छन् । प्रदीपले २–ओभर ७४ र सामले १–ओभर ७३ को स्कोर निकाले ।

लगातार तेस्रो दिन शीर्षस्थानमा रहेका राहुलले आज फ्रन्ट नाइन इभन–पार ३६ मा सकाउने क्रममा पहिलो, पाँचौँ र सातौँ होलमा बर्डी प्रहार गरे । तर, छेटौँ होलमा बोगी र ३–पारको आठौँ होलमा डबल बोगीको समना गरे । यसपछि १४औँ होलको बोगीले ब्याक नाइन १–ओभर ३७ मा सकाए ।

जयरामले दोस्रो होलको बोगीविरूद्ध पहिलो, चौथो र सातौँ होलमा तीन बर्डी प्रहार गर्दै फ्रन्ट नाइनमा २(अन्डर ३४ खेले । यसपछि १२औँ, १३औँ र १७औँ होलमा एक–एक सट बचाए । १४औँ होलको बोगीले ब्याक नाइनमा पनि २–अन्डर ३४ मा पूरा गरे ।

भुवनले पाँचौँ होलमा बर्डी प्रहार गरे पनि छैटौँ र आठौँ होलको बोगीले फ्रन्ट नाइन १–ओभर ३७ खेले । ब्याक नाइनमा झनै खराब प्रदर्शन गर्न पुगे । १२औँ होलमा इगलको सफलता प्राप्त गरे । तर, यसपछि १४औँ होलमा डबल बोगी तथा १३औँ, १६औँ र १८औँ होलमा पनि एक–एक सट खेर फाले । ब्याक नाइन ३–ओभर ३९ मा सकाए ।

यस प्रतियोगिताको कुल पुरस्कार राशि १० लाख ५० हजार रुपैयाँ रहेको छ । उपाधि विजेताले एक लाख ७० हजार रुपैयाँ प्राप्त गर्नेछ । उपविजेताले एक लाख २५ हजार रुपैयाँ, तेस्रो हुनेले एक लाख रुपैयाँ, चौथोले ८२ हजार रुपैयाँ र पाँचौँ हुने खेलाडीले ७२ हजार रुपैयाँ नगद पुरस्कार प्राप्त गर्नेछन् । कट बनाउने शीर्ष १८ खेलाडीले नगद हात पार्नेछन् ।