काठमाडौं। इन्डियन चेम्बर अफ कमर्स द्धारा रामब्रन्त, बैकंकमा आयोजित छैठौँ संस्करणको “इमर्जिङ एसिया अवार्डमा” आइएमई लाइफ इन्स्योरेन्सले तिन विधामा अवार्ड हातपार्न सफल भएको छ ।
कम्पनीले उत्कृष्ट ग्राहमुखि सेवा (The Best Customer Oriented Company), बीमा कभरेजमा उत्कृष्ट रणनीति मा संयुक्त अवार्ड (Best Strategies for Insurance Coverage) र बीमा नेतृत्वमा महिला (Women in Insurance Leadership) गरि तीन विधाको अवार्डमा जित्न सफल भएको हो ।
यस प्रतिष्ठित अवार्डमा स्वतन्त्र तथा विशिष्ट अन्तराष्ट्रिय निर्णायक मण्डलले निर्णय गरेको थियो । यस कार्यक्रमले आइएमई लाइफ इन्स्योरेन्सको ग्राहक–केंद्रित सेवाहरू, नवप्रवर्तनकारी रणनीतिहरू र सहभागितामुलक नेतृत्वको कदर गरेको छ । देशभित्र बीमा सचेतना फैलाउने, आधुनिक प्रविधिमैत्री सेवा प्रदान गर्ने तथा महिलाहरूलाई बीमा नेतृत्वमा सशक्त बनाउने कम्पनीको उद्देश्यलाई यस अवार्डले थप प्रोत्साहन गरेको छ ।
कार्यक्रममा नेपालबाट प्रतिनिधित्व गरी आइएमई लाइफ इन्स्योरेन्सका प्रमुख कार्यकारी अधिकृत श्री पवन कुमार खड्का प्यानल डिस्कसनमा रुपमा सहभागी हुनुभएको थियो उहाँले डिजिटल प्रविधि र एआई को उपयोगे र बीमा उद्योगका चुनौती र सकारात्मक पक्षहरूमाथि प्रकाश पार्नुभयो
गत वर्ष पाँचौं संस्करणमा पनि आइएमई लाइफले उत्कृष्ट जीवन बीमक, बिमा नेतृत्वमा महिला र बिमामा पहुँच विस्तारका लागि उत्कृष्ट रणनीति विधासहित तीन विधामा उपाधि हात पारेको थियो।
