काठमाडौं, फागुन १३, २०८२ – भिभोले आज आफ्नो अहिलेसम्मकै सबैभन्दा ठूलो ब्याट्री क्षमता भएको नयाँ स्मार्टफोन ‘भिभो वाई ३१डि’ नेपाली बजारमा सार्वजनिक गरेको छ । लामो समय टिक्ने ब्याट्री (एन्ड्युरेन्स), भरपर्दो टिकाउपन (ड्युराबिलिटी) र सहज प्रदर्शनलाई प्राथमिकता दिने प्रयोगकर्ताका लागि डिजाइन गरिएको योे स्मार्टफोनले शक्तिशाली र भरपर्दो दैनिक अनुभव प्रदान गर्ने अपेक्षा गरिएको छ ।
यस फोनको मुख्य विशेषता भनेको यसको ७२०० एमएएचको विशाल ’ब्लुभोल्ट ब्याट्री’ हो, जसलाई ४४ वाटको ’फ्ल्यास चार्ज’ प्रविधिले सहयोग गरेको छ, जसले द्रुत र कुशल चार्जिङ सुनिश्चित गर्दछ । २५–आयामी सुरक्षा संरक्षण र ६–वर्षे ब्याट्री स्वास्थ्यको सुविधा रहेको यस फोनमा १६०० पटक चार्ज गरिसकेपछि पनि ब्याट्रीले कम्तीमा ८० प्रतिशत क्षमता कायम राख्छ, जसले दीर्घकालीन ब्याट्री र भरपर्दोपनको नयाँ मापदण्ड स्थापित गरेको छ ।
वास्तविक जीवनको टिकाउपनलाई ध्यानमा राखेर निर्माण गरिएको यस डिभाइसमा आई पी ६८ र आई पी ६९ धुलो तथा पानी प्रतिरोध क्षमता, एसजीएस ५–स्टार ड्रप रेसिस्टेन्स प्रमाणीकरण, मिलिट्री–ग्रेड ड्रप प्रोटेक्सन र टाइटन ग्लास रहेको छ । ’वन–ट्याप वाटर एण्ड डस्ट इजेक्सन’ (एक ट्यापले पानी र धुलो निकाल्ने) र ’वेट–ह्यान्ड टच’ (भिजेको हातले पनि चलाउन सकिने) जस्ता स्मार्ट सुविधाहरूले चुनौतीपूर्ण अवस्थामा पनि सहज सञ्चालन सुनिश्चित गर्दछ ।
स्न्यापड्रागन ६एस जेन २ (फोरजी) प्रोसेसरद्वारा सञ्चालित भिभो वाई३१डि क्वालकमको सबैभन्दा सक्षम चिपसेटहरूमध्ये एक हो, जसले कम पावर खपतमा पनि कुशल र स्थिर प्रदर्शन गर्दछ । ओरिजिनओएस ६ मा सञ्चालित यो फोनमा ’ओरिजिन आइल्याण्ड’ र एआई–संचालित ’एआई सुपरलिंक’ तथा ’एआई क्याप्सन’ जस्ता सुविधाहरू रहेका छन्, जसले वाई३१डीको उत्पादकत्व, सिर्जनात्मकता र कनेक्टिभिटीलाई अभिवृद्धि गरेको छ ।
भिभो वाई३१डि ‘फेदर गोल्ड’ र ‘स्टारलाइट ग्रे’ गरी दुई रंग विकल्पहरूमा दाराज र नेपालभरका खुद्रा पसलहरूमा उपलब्ध हुनेछ । यसको सुरुवाती मूल्य ६जीबी + १२८जीबी भेरियन्टको लागि २९,४९९ रुपैयाँ, ८जीबी + १२८जीबी भेरियन्टको लागि ३३,९९९ रुपैयाँ र शीर्ष–अन्तको ८जीबी + २५६जीबी भेरियन्टको लागि ३८,९९९ रुपैयाँ तोकिएको छ ।
