काठमाडौँ, जेठ १ । धितोपत्र कारोबारमा लाग्ने ब्रोकर कमिसन घटेको छ । मंगलबारदेखि हुने सबै कारोबारमा घटेको ब्रोकर कमिसन लागू हुने सीडीएस एण्ड क्लियरिङले बताएको छ ।
कम्पनीले आजैदेखि हुने कारोबार कार्यान्वयन हुनेगरी सिस्टममा नयाँ कमिसन दर सेट गरी परीक्षण पनि सफल भइसकेको बताएको छ । जसअनुसार विद्यमान कायम ब्रोकर कमिसनमा १० प्रतिशत घटाइएको छ ।
लगानीकर्ताले अब शेयर कारोबारमा अधिकतम ०.३६ प्रतिशत ब्रोकर कमिसन तिर्नुपर्ने छ। । यसअघि ब्रोकर कमिसन ०.४० प्रतिशत थियो । यस्तै ब्रोकर कमिसनको तल्लो सीमा ०.२४ प्रतिशतमा झरेको छ ।
कारोबार रकमका आधारमा अबदेखि ५० हजारसम्ममा ०.३६ प्रतिशत ब्रोकर कमिसन दर तिर्नुपर्ने छ । त्यस्तै ५० हजारदेखि ५ लाखसम्मको कारोबारका लागि ०.३३ प्रतिशतसम्म तिर्नुपर्ने छ ।
यस्तै ५ लाखदेखि २० लाख रुपैयाँसम्मका लागि ०.३१ प्रतिशत तिर्नुपर्ने छ भने २० लाखदेखि १ करोडसम्मका लागि ०.२७ प्रतिशत तिर्नुपर्ने छ । त्यसैगरी १ करोडमाथिको कारोबारमा ०.२४ प्रतिशत ब्रोकर कमिसन तिर्नुपर्ने छ ।
ब्रोकर कम्पनीहरुले आफूले पाउने कमिसनबाट नेपाल स्टक एक्स्चेन्ज(नेप्से) लाई २० प्रतिशत रकम छुट्टै बुझाउँदै आएका छन् । ब्रोकर कम्पनीहरुको कमिसन घटेसँगै नेप्सेले पाउने कमिसन पनि स्वतः घट्ने भएको छ ।
कारोबार रकममा ब्रोकरको नयाँ कमिसन दर :
