हिमालयन बैंक लिमिटेडको सञ्चालक समितिको अध्यक्ष पदमा बैकुण्ठ अर्याल सर्वसम्मत चयन भएका छन् । बैंकको सञ्चालक समितिको ४०६ औँ बैठकले उनलाई अध्यक्ष पदमा चयन गरेको हो ।
यसअघि बैंकका अध्यक्ष रहेका प्रचण्ड बहादुर श्रेष्ठले आफ्नो पदबाट राजीनामा दिएका थिए । भदौ १४ गते आइतबार बसेको सञ्चालक समितिको बैठकले श्रेष्ठको राजीनामा सोही मितिदेखि नै लागू हुने गरी स्वीकृत गरेको छ ।
त्यसपश्चात् रिक्त भएको अध्यक्ष पदमा बैंकको संस्थापक समूह तर्फका शेयरधनी नेशनल लाईफ इन्स्योरेन्स कम्पनी लिमिटेडको प्रतिनिधित्व गर्ने सञ्चालक बैकुण्ठ अर्याललाई तत्काल लागू हुने गरी सञ्चालक समितिको अध्यक्ष पदमा सर्वसम्मत रूपमा निर्वाचित गरिएको हो ।
