अर्थ प्लस
काठमाडौँ । आर्थिक वर्ष २०७९/८० को असार मसान्तसम्ममा मधेश प्रदेशमा प्रमुख कृषि उपजले ढाकेको भू–क्षेत्रफल ३.१६ प्रतिशत बढेको छ । नेपाल राष्ट्र बैंकले सार्वजनिक गरेको मधेश प्रदेशको वार्षिक आर्थिक गतिविधि अध्ययन प्रतिवेदन २०७९/८० को अनुसार आर्थिक वर्ष २०७९/८० को असार मसान्तसम्ममा यस प्रदेशमा प्रमुख कृषि उपजले (खाद्य तथा अन्य बाली, तरकारी तथा बागवानी र फलफूल तथा मसला) ले ढाकेको भू–क्षेत्रफलमा ३.१६ प्रतिशतले वृद्धि भई १० लाख ३७ हजार ४४ हेक्टर पुगेको हो ।
गत आर्थिक वर्षको सोही वर्षमा उक्त भू–क्षेत्रफलमा ०.३ प्रतिशतले ह्रास भई १० लाख ६ हजार ६ सय ८३ हेक्टर पुगेको थियो । खाद्य तथा अन्य बाली समीक्षा वर्षमा आलुले ढाकेको क्षेत्रफलमा १.९९ प्रतिशतले वृद्धि भएको छ भने दलहनले ढाकेको क्षेत्रफलमा ९.८० प्रतिशतले ह्रास आएको छ । धान, तेलहन र गहुँले ढाकेको क्षेत्रफलमा क्रमशः ६.३१, ७.०१ र २४.९१ प्रतिशतल वृद्धि भएको छ । समग्र खाद्य तथा अन्य बालीले ढाकेको भू–भागमा ५.४६ प्रतिशतले वृद्धि भएको छ भने गत आर्थिक वर्षमा उक्त भू–क्षेत्रफलमा ०।४३ प्रतिशतले ह्रास आएको थियो ।
