काठमाडौ, फागुन ३ । कुनै समयमा प्रति कित्ता एक सय रुपैयाँ पुग्न हम्मे हम्मे परेको समाज लघुवित्त वित्तीय संस्थाको शेयर मूल्य आज झन्डै १५ सय रुपैयाँमा पुगेको छ ।
कारोबारमा आएपछि निरन्तर रुपमा बढेको उक्त लघुवित्तको शेयर आज बिहीबारको बजारमा प्रतिकित्ता एक हजार ४८६.६० रुपैयाँमा कारोबार भइरहेको छ । लघुवित्तको शेयर कारोबारमा आएदेखि ८० कारोबार दिनसम्म निरन्तर बढेको हो ।
सूचीकृत भएको तीन वर्षपछि दोस्रो बजारमा कारोबारमा आएको उक्त लघुवित्तको पहिलो कारोबार भने ७२ रुपैयाँ १० पैसामा भएको थियो । आईपीओमा खरिद गरेको भन्दा न्यून मूल्यमा कारोबार खुलेपछि लघुवित्तको शेयर बिक्री गर्न कोहि इच्छुक देखिएका थिएनन । पछिल्ला कारोबार दिनमा दैनिक सकारात्मक सर्किट लेबलमा बढेर कारोबार भइरहेको छ ।
