काठमाडौं, १८ फागुन । विद्युत नियमन आयोगले दोर्दी खोला जलविद्युत कम्पनी लिमिटेड र राप्ती हाइड्रो एन्ड जनरल कन्स्ट्रक्सन लिमिटेडलाई हकप्रद निष्कासनको स्वीकृति प्रदान गरेको छ ।
दोर्दी खोलाले हालको चुक्तापुँजीको शतप्रतिशतले हुन आउने हकप्रद सेयर निष्कासनका लागि आयोगसँग स्वीकृति माग गरेको थियो । कम्पनीको हालको चुक्ता पुँजी एक अर्ब ५ करोड ४२ लाख ६० हजार ४ सय रुपैयाँ रहेकोमा हकप्रद निष्कासन पछि चुक्तापुँजी दुई अर्ब १० करोड ८५ लाख २० हजार ८ सय रुपैयाँ पुग्नेछ ।
यसैगरी राप्ती हाइड्रोले हालको चुक्तापुँजीको शतप्रतिशतले हुन आउने हकप्रद सेयर निष्कासनका लागि आयोगसँग स्वीकृति माग गरेको थियो । कम्पनीको हालको चुक्ता पुँजी ६१ करोड २७ लाख ९३ हजार ८ सय रुपैयाँ रहेकोमा हकप्रद निष्कासन पछि चुक्तापुँजी एक अर्ब २२ करोड ५५ लाख ८७ हजार ६ सय रुपैयाँ पुग्नेछ ।
