काठमाडौं- अभियान लघुवित्त वित्तीय संस्था लिमिटेडको संस्थापक र कर्मचारीहरूको सेयरको लकइन अवधि साउन २९ गते समाप्त हुने भएको छ ।
संस्थाले सूचना प्रकाशित गर्दै लकइन समाप्त हुने जानकारी दिएको हो ।
नेपाल धितोपत्र बोर्डद्वारा जारी गरिएको हालैको निर्देशिका अनुसार यस संस्थाले आफ्ना लगानीकर्ता र सरोकारवालाहरूलाई आफ्ना प्रवर्द्धकहरू र कर्मचारीहरूको सेयरको लागि लकइन अवधि समाप्त भएको घोषणा गरेको हो ।
यस लघुवित्तको अहिले नेपाल स्टक एक्सचेन्ज (नेप्से) मा २५ लाख कित्ता सेयर सूचीबद्ध छ।
जसमा संस्थापकहरूसँग १,५२५,००० कित्ता र कर्मचारीहरूसँग १२,५०० कित्ता सेयर रहेकोमा दुई वर्ष अघि आईपीओ बाँडफाँड भएको छ । यसको लकइन २ वर्षसम्म रहने बोर्डको व्यवस्था रहेको छ ।
कम्पनीको कुल चुक्ता पूँजी २५ करोड छ।
