काठमाडौं । नेपाल धितोपत्र बोर्ड (सेबोन), सेयर बजारको प्रमुख नियामक निकायले, सेयर कारोबारको अन्तिम १५ मिनेटको औसतका आधारमा नेप्से सूचक र कारोबार मूल्य गणना गर्ने विधिलाई स्थगन गरेको छ । सेबोनको सञ्चालक समितिको शनिबार बसेको बैठकले यो निर्णय गरेको हो ।
यस निर्णयसँगै, २०८१ चैत ७ गतेदेखि लागू गरिएको अन्तिम १५ मिनेटको औसतमा आधारित नेप्से सूचक र कारोबार मूल्य गणना गर्ने प्रणाली तत्कालका लागि खारेज भएको छ ।
साथै, सेबोनको बोर्ड बैठकले नेप्सेको मुख्य सूचक र उपसूचक गणनामा देखिएका कमजोरीहरू पहिचान गरी सुधार गर्न अध्ययन गर्ने निर्णय पनि गरेको छ ।
