काठमाडौं । मुग्लिन नारायणगढ सडकखण्डमा पहिरो पन्छाउने कार्य जारी छ । मंगलबार दिउँसो ठूलो पहिरो गएपछि सो सडकखण्ड ठप्प छ ।
चितवनको इच्छाकामना गाउँपालिका–६, तुइन खोला पुलनजिकै खसेको पहिरो बिहीबार साँझ फ्लडलाइट जडान गरेर पन्छाउने कार्य भइरहेको डिभिजन सडक कार्यालय भरतपुरले जनाएको छ । आजै सडक खुलाउने तयारी गरिएको जनाइएको छ ।
"तुइन खोला पुल नजिकै खसेको पहिरो पन्छाउने कार्य सडक डिभिजनले फ्लडलाइट जडान गरी हालसम्म पनि निरन्तर रूपमा अगाडि बढिरहेको जानकारी गराउछौँ । सम्भवत आजै सडक खुलाउन कटिबद्ध भएको जानकारी गराउछौँ," सडक डिभिजन भरतपुर सूचना जारी गर्दै भनेको छ ।
