काठमाडौंमा आज सुनचाँदीको मूल्य इतिहासकै उच्च स्तरमा पुगेको छ। बिहीबारको तुलनामा आज प्रतितोला सुन ९,२०० रुपैयाँले बढेर तीन लाख एक हजार ४०० कायम भएको छ भने चाँदी ३२० रुपैयाँले बढेर छ हजार १९० पुगेको छ।
नेपाल सुनचाँदी व्यवसायी महासंघका अनुसार पछिल्लो केही दिनयता सुनचाँदीको मूल्य लगातार बढिरहेको छ। गत बुधबार सुनको मूल्य दुई लाख ९५ हजार १०० र चाँदी पाँच हजार ९२० थियो। मंगलबार सुन दुई लाख ८४ हजार ७०० र चाँदी पाँच हजार ८८० मा कारोबार भएको थियो। आइतबार सुन दुई लाख ७८ हजार ८०० र चाँदी पाँच हजार ६२५ मा कारोबार भएको थियो। सोमबार सुन दुई लाख ८२ हजार र चाँदी पाँच हजार ८१० कायम भएको थियो।
अन्तर्राष्ट्रिय बजारमा पनि मूल्य वृद्धि भएको छ। आज एक औँस सुन ४,९६० अमेरिकी डलरमा र चाँदी ९८ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।
