काठमाडौं । नेपाली बजार सुन र चाँदी दुवैको मूल्य बढेर नयाँ रेकर्ड बनेको छ । लगातार बढिरहेको सुनको मूल्य आज पनि तोलामा २ हजार ४०० रुपैयाँले बढेको हो ।
नेपाल सुनचाँदी व्यवसायी महासंघका अनुसार आइतबार छापावाल सुनको मूल्य तोलामा ३ लाख ३ हजार ८०० रुपैयाँ कायम भएको हो । यसअघि शुक्रबार छापावाल सुन प्रतितोला ३ लाख १ हजार ४०० रुपैयाँमा कारोबार भएको थियो ।
यस्तै, आज चाँदीको मूल्य पनि तोलामा २९० रुपैयाँ बढेर प्रतितोला ६ हजार ४८० रुपैयाँ कायम भएको महासंघले जनाएको छ । चाँदीको यो मूल्य पनि हालसम्मकै उच्च हो ।
