काठमाडौँ / सर्वसाधारणमा प्राथमिक सेयर (आइपिओ) निष्कासनको तयारीमा रहेको श्री डिष्टिलरी लिमिटेडले वार्षिक साधारण सभा आह्वान गरेको छ । कम्पनीको सञ्चालक समितिको भदौ ३१ गते बसेको बैठकले आगामी असोज २६ गते काठमाडौँमा साधारण सभा गर्ने निर्णय गरेको हो ।
सभामा कम्पनीको आइपिओ निष्कासनसम्बन्धी प्रस्ताव अनुमोदनका साथै गत आर्थिक वर्षको वार्षिक प्रतिवेदन, लेखापरीक्षकको प्रतिवेदन तथा सो अवधिको वित्तीय विवरण पारित गर्ने कार्यसूची रहेको कम्पनीले जनाएको छ ।
कम्पनीले आइपिओ निष्कासन प्रक्रिया अघि बढाउन बिक्री प्रबन्धकका रूपमा प्रभु क्यापिटल लिमिटेडलाई नियुक्त गरिसकेको छ ।
साधारण सभाबाट आवश्यक प्रस्ताव पारित भएपछि कम्पनीले नियामकीय प्रक्रिया पूरा गर्दै आईपीओ निष्कासनको तयारीलाई अगाडि बढाउने अपेक्षा गरिएको छ ।
