काठमाडौं, जेठ १४ । रसुवागढी हाइड्रोपावर कम्पनीको थप शेयर नेपाल स्टक एक्सचेन्ज (नेप्से) मा सोमबार सूचीकृत भएको छ ।
कम्पनीले आयोजना प्रभावित क्षेत्रका बासिन्दाका लागि निष्कासन गरेको ६८ लाख ४२ हजार १०० कित्ता शेयर सूचीकृत भएको हो ।
कम्पनीले २०७९ असार १३ देखि २०७९ साउन १० गतेसम्म रसुवाको आयोजना प्रभावित क्षेत्रका बासिन्दाका लागि ६८ लाख ४२ हजार १ सय कित्ता साधारण शेयर निष्कासन गरेको थियो ।
बाँडफाँट भएको मितिले ३ वर्षसम्म लकइन रहने कानूनी व्यवस्था छ । कम्पनीको उक्त शेयर आगामी भदौ २८ गतेपछि कारोबारयोग्य हुने कम्पनीले नेप्सेमा पेश गरेको सूचनामा उल्लेख छ।
