काठमाडौं, असार १५ । नेपाल हाईड्रो एण्ड ईलेक्ट्रिकले एकैपटक १८ औं तथा १९ औं वार्षिक साधारण सभा बोलाएको छ । गत असार ३ गते बसेको सञ्चालक समितिको बैठकले आगामी साउन ६ गते आइतबार विहान ११ र दिनको १२ बजे रुपन्देहीको बुटवल उप-महानगरपालिकास्थित कम्पनीको रजिष्टर्ड कार्यालयमा सभा बोलाएको हो ।
१८औं सभा अन्तरगत आव २०७८/७९ को सञ्चालक समितिको प्रतिवेदन,लेखापरीक्षकको प्रतिवेदनसहितको २०७९ असार मसान्तको वासलात तथा आव२०७८/ ०७९ को नाफा नोक्सान हिसाब र सोहि अवधिको नगद प्रवाहको बिवरण,लेखापरीक्षकको नियुक्ति गर्ने तथा निजको पारिश्रमिक तोक्ने प्रस्ताव पारित हुने छ।यसैगरी,सभाले चुक्तापूँजीको ८ प्रतिशत र कर प्रयोजनका लागि ०.४२ प्रतिशत समेतले हुन आउने नगद लाभांश वितरण गर्ने प्रस्ताव पारित गर्नेछ ।
यसैगरी,सोही दिन हुने १९ औं सभाले सभाको वैधानिकता बारे छलफल गर्दै आव २०७९/ ८० को सञ्चालक समितिको प्रतिवेदन,२०८० असार मसान्तको वासलात तथा आव२०७९/८० को नाफा नोक्सान हिसाब र सोहि अवधिको नगद प्रवाहको विवरण पारित गर्ने छ ।साथै सभाले लेखापरीक्षकको नियुक्ति गर्ने तथा निजको पारिश्रमिक तोक्ने प्रस्ताव पनि पारित गर्नेछ ।
यसैगरी, सभाले १०.५३ प्रतिशत नगद लाभांश वितरण तथा १० प्रतिशत बोनस शेयर प्रस्ताव पनि पारित गर्नेछ । त्यस्तै सभाले बोनस शेयर जारी गर्दा कम्पनीको चुक्तापूँजी बढाउन पूँजी वृद्धि गर्नुपर्ने भएकोले प्रबन्धपत्रको दफा ५ (क), ५ (ख) र नियमावलिको नियम ५ (क), ५ (ख) मा संशोधन गरि पूँजी बृद्धि गर्ने प्रस्ताव पनि पारित गर्नेछ ।
