२०८१,माघ २९ गते
काठमाडौँ। पछिल्लो साता यता सुनको मूल्य बृद्धि हुने क्रम जारी छ ।
नेपाल सुनचाँदी व्यवसायी महासङ्घका अनुसार आज पनि सुन तोलामा ६ सय रुपैयाँले बढेको हो । सोमबार प्रतितोला सुनको मूल्य १ लाख ६९ हजार ६ सय रुपैंयाँमा कारोबार भएको थियो ।
आज भने तोलामा १ लाख ७० हजार २ सय रुपैयाँमा कारोबार भइरहेको छ । यता, आज चाँदीको मूल्य भने घटेको छ । सोमबार चाँदी प्रतितोला १ हजार ९ सय ७५ रुपैयाँ कारोवार भएको चाँदीे आज ३० रुपैयाँले घटेर १ हजार ९ सय ४५ रुपैयाँमा कारोबार भइरहेको छ ।
