काठमाडौं । नेपाली बजारमा सुनको भाउले अघिल्लो दिनको उचाईलाई समेत जितेर आज पुनः नयाँ उचाई कायम गरेको छ। यसदिन सुन ११ सय रूपैयाँले वृद्धि भएको छ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख ७७ हजार ९०० रुपैयाँ कायम भएको छ। अघिल्लो दिन सुन प्रतितोला १ लाख ७६ हजार ८०० रुपैयाँमा कारोबार भएको थियो।
चाँदीको मूल्य पनि तोलामा १० रूपैयाँले बढेर प्रतितोला २ हजार ३५ रुपैयाँ कायम भएको छ।
