काठमाण्डौ । अमेरिका र दक्षिण कोरियाबीच व्यापारिक सम्झौता भएको छ । अमेरिकी राष्ट्रपति डोनाल्ड ट्रम्पले दक्षिण कोरियाबाट निर्यात हुने सामानमा अमेरिकाले १५ प्रतिशत कर लगाउने बताएका छन् ।
तर, ट्रम्पको तर्फबाट यो घोषणा दक्षिण कोरियासँगको व्यापार सम्झौतापछि आएको हो ।
राष्ट्रपति ट्रम्पले बुधबार सामाजिक सञ्जाल ट्रुथ सोसलमा लेखेका छन्, ‘म यो घोषणा गर्न पाउँदा खुसी छु कि अमेरिका दक्षिण कोरियासँगको व्यापार सम्झौतामा पूर्ण रूपमा सहमत भएको छ।’ दक्षिण कोरियाका राष्ट्रपति ली जे म्युङले यो सम्झौतासँगै आफ्नो देश अन्य देशको तुलनामा उस्तै वा राम्रो स्थितिमा पुग्ने बताएका छन् ।
यो घोषणा राष्ट्रपति ट्रम्पले व्यापार सम्झौताको लागि अगस्ट १ को समयसीमा समाप्त हुन लागेको एक दिन अघि आएको हो। यो समयसीमाभित्र देशहरूले अमेरिकासँग सम्झौता गर्नुपर्छ, अन्यथा उनीहरूले उच्च करको सामना गर्नुपर्नेछ।
दक्षिण कोरियाले अमेरिकासँग यो सम्झौता नगरेको भए २५ प्रतिशत कर लाग्ने थियो ।
