काठमाडौं । काठमाडौंको लैनचौरमा रहेको नेपाल स्काउटको जग्गा कब्जामा लिएर भाडा नतिरी बसेको भन्दै लामो समयदेखि विवादमा रहेको जग्गाभित्र रहेका टहरामा काठमाडौं महानगरले डोजर चलाएको छ ।
स्काउटले भाडामा दिएको जग्गामा खड्काले विभिन्न संरचना बनाएको र भाडा नतिरेको आरोप छ । कांग्रेस नेता तथा पूर्व उर्जामन्त्री खड्काको कम्पनीले उक्त संरचना भोगचलन गरिरहेको थियो ।
युवा तथा खेलकुद मन्त्रालय अन्तर्गतको नेपाल स्काउट राष्ट्रिय प्रधान कार्यालयले उक्त जग्गामा बनाइएका संरचनाको भाडा तिर्न नमानेको भन्दै खाली गर्न ७ दिने अल्टिमेटसहितको सूचना निकालेको थियो ।
तर खाली नभएपछि आज बिहानै काठमाडौं महानगरपालिकाको डोजरले उक्त जग्गाभित्र बनेका टहरा भत्काएको छ ।
