काठमाण्डौ । स्थानिय बजारमा पुनः सुनको मूल्यले साढे २ लाखको आँकडा पार गरेको छ । बिहिबारको कारोबारमा ५हजार ९ सय रुपैयाँले वृद्धि भएसँगै सुनको भाउले साढे २ लाखको आँकडा पार गरेको हो । नेपाल सुनचाँदी व्यवसायी महासंघका अनुसार आज सुनको कारोबार प्रतितोला २ लाख ५० हजार २ सय रुपैयाँमा भईरहेको छ ।
अघिल्लो दिन सुनको मूल्य प्रतितोला २ लाख ४४ हजार ३ सय कायम थियो ।
यस्तै आज चाँदीको भाउ समेत बढोत्तरी भएको छ । आज चाँदीको मूल्य १७० रुपैयाँले बढेको छ । यससँगै चाँदीको भाउ प्रतितोला ३ हजार ३४५ रुपैयाँ कायम भएको छ ।
