जेनजी आन्दोलनको मानवीय तथा भौतिक क्षतिको छानबिनका लागि गठित आयोगले उच्चपदस्थहरूसँगको बयान आउँदो हप्तादेखि लिन सुरु गर्ने निर्णय गरेको छ।
आयोगका प्रवक्ता विज्ञानराज शर्माका अनुसार, नेपाल प्रहरीका तत्कालीन र वर्तमान प्रमुख, तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकको बयान लिने तयारी भइरहेको छ।
शर्माले स्पष्ट पार्दै भने, “बयान दिन नआए आयोगले सरकारमार्फत उपस्थित गराउनेछ। आवश्यक परे गिरफ्तारीसमेत गरिनेछ।”
