काठमाडौं । सूचना तथा सञ्चारमन्त्री डा. विक्रम तिमिल्सिनाले प्रेस स्वतन्त्रताका विषयमा संविधानले दिएको अधिकार सरकारले चाहेर पनि केही गर्न नसक्ने बताएका छन्।प्रतिनिधि सभाको आकस्मिक र शून्य समयमा उठेका प्रश्नको जवाफ दिँदै मन्त्री तिमिल्सिनाले स्वतन्त्रतालाई स्वच्छन्दताको रूपमा प्रयोग गर्न नहुनेतर्फ सचेत गराए।उनले गरिमा र सीमाभित्र रहेका काम गर्न अनुरोध गरे। उनले राज्यको अंकसँग जोडिएको क्षेत्रले आफ्नो ‘ओज’ कायम राख्ने गरी कार्य गर्न सुझाव दिए ।
‘प्रेस स्वतन्त्रताप्रति सरकार पूर्ण प्रतिवद्ध छ। संविधानले दिएको अधिकार हो। तर, सँगै बुझ्नु पर्ने कुरा के हो भने स्वतन्त्रता भनेको स्वच्छन्दता होइन। जवाफदेही हुनुपर्छ’, उनले भने, ‘राज्यको अंगको रूपमा स्वीकार गरेको क्षेत्रले आफ्नो ओजलाई कायम गर्ने गरी कार्य गर्दा सरकारले चाहेर पनि केही गर्न सक्दैन।’उनले प्रेस काउन्सिललाई सशक्त बनाउने प्रतिबद्धता जनाए।
