काठमाडौँ / सिटिजन्स बैंक इन्टरनेशनल लिमिटेडले आर्थिक वर्ष २०८२/८३ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ । 

बैंकले सार्वजनिक गरेको विवरण अनुसार अघिल्लो आर्थिक वर्षको तुलनामा यस वर्ष बैंकको खुद नाफामा ६३.०५ प्रतिशतको उत्साहजनक वृद्धि देखिएको छ  ।

मुनाफा र सञ्चालन आम्दानी बैंकले असार मसान्तसम्ममा २ अर्ब ९ करोड ८६ लाख रुपैयाँ खुद नाफा आर्जन गरेको छ, जुन अघिल्लो वर्ष सोही अवधिमा १ अर्ब २८ करोड ७० लाख रुपैयाँ मात्र थियो । बैंकको सञ्चालन मुनाफामा पनि ८१.२६ प्रतिशतको ठूलो सुधार आई ३ अर्ब ६० करोड १५ लाख पुगेको छ । 

बैंकको खराब कर्जा वापतको व्यवस्था २ अर्ब ६८ करोडबाट उल्लेख्य रूपमा घटेर ८२ करोड ९३ लाखमा सीमित हुनाले नाफा बढ्नमा मद्दत पुगेको देखिन्छ। निक्षेप र कर्जाको अवस्था बैंकको व्यवसाय विस्तारमा पनि क्रमिक सुधार देखिएको छ । 

बैंकले ग्राहकहरूबाट २ खर्ब ३१ अर्ब ७३ करोड रुपैयाँ निक्षेप सङ्कलन गरेको छ, जुन अघिल्लो वर्षको तुलनामा ९.५७ प्रतिशतले बढी हो । 

त्यस्तै, बैंकले १ खर्ब ७० अर्ब १४ करोड रुपैयाँ कर्जा तथा सापटी प्रवाह गरेको छ । मुख्य वित्तीय सूचकहरू नाफासँगै बैंकको प्रतिशेयर आम्दानीमा पनि सुधार आएको छ । 

अघिल्लो वर्ष ८.७१ रुपैयाँ रहेको प्रति शेयर आम्दानी अहिले १३.५३ रुपैयाँ पुगेको छे । बैंकको प्रति शेयर नेटवर्थ १६०.५१ रुपैयाँ कायम भएको छ ।

बैंकको खराब कर्जा भने केही बढेको देखिन्छ । अघिल्लो वर्ष ४.८९ प्रतिशत रहेको खराब कर्जा बढेर ५.८८ प्रतिशत पुगेको छ । बैंकको आधार दर ६.२५ प्रतिशतबाट घटेर ५.०४ प्रतिशतमा झरेको छ, जसले बैंकको लागत घटेको संकेत गर्दछ ।

लाभांश क्षमता बैंकको वितरणयोग्य नाफा ५२ करोड ३१ लाख रुपैयाँ रहेको छ । यस आधारमा बैंकको वितरणयोग्य प्रतिशेयर आम्दानी ३.३७ रुपैयाँ देखिएको छ । बैंकको चुक्ता पुँजी १५ अर्ब ५० करोड ७४ लाख रुपैयाँ पुगेको छ ।

                                                                                                                                       रु. हजारमा

विवरण	असार, २०८३	असार, २०८२	फरक (%)
चुक्ता पुँजी	१५,५०७,४६३	१४,७६९,०१२	५.००
रिटेन्ड अर्निङ	५२३,१०१	७७८,१६८	-
रिजर्भ	८,८६१,०८१	७,४००,५३१	-
रिजर्भ एण्ड सर्प्लस	९,३८४,१८२	८,१७८,६९९	१४.७४
निक्षेप सङ्कलन	२३१,७३१,२३६	२११,५००,७९३	९.५७
कर्जा प्रवाह	१७०,१४१,१९६	१६८,८६०,७३८	०.७६
खुद मुनाफा	२,०९८,६०३	१,२८७,०७५	६३.०५
वितरणयोग्य मुनाफा	५२३,१०१	७७८,१६८	-३२.७८
खुद ब्याज आम्दानी	६,२९३,६५३	६,४१५,४०६	-१.९०
खुद शुल्क तथा कमिसन आम्दानी	१,४३२,३३१	१,३४७,०५१	६.३३
कुल सञ्चालन आम्दानी	८,३४९,१७६	८,१७४,८४४	२.१३
इम्पेयरमेन्ट चार्ज	८२९,३६१	२,६८०,००९	-
सञ्चालन मुनाफा	३,६०१,५३६	१,९८६,९१८	८१.२६
प्रतिशेयर आम्दानी (रु.)	१३.५३	८.७१	४.८२
वितरणयोग्य प्रतिशेयर आम्दानी (रु.)	३.३७	५.२७	(१.९०)
पि.ई. रेसियो	१४.५५	२६.०६	-
प्रतिशेयर नेटवर्थ  (रु.)	१६०.५१	१५५.४२	५.०९
पुँजी कोष अनुपात	१२.४७	१२.४७	-
खराब कर्जा	५.८८	४.८९	-
कर्जा निक्षेप अनुपात	७५.७२	८१.९१	-
आधार दर	५.०४	६.२५	-१.२१
स्प्रेड दर	३.४८	३.६४	-०.१६

स्राेत : सम्बन्धित बैंककाे वित्तीय विवरण