काठमाडौं, साउन १६ । चिनियाँ विद्युतिय गाडी दिपलको लागि नेपालको आधिकारिक बिक्रेता एमएडब्लु बृद्धि अटोकर्पले पोखरा क्षेत्रका लागि आधिकारिक बिक्रेतामा हिमालय अर्गनाईजेशन अन्तर्गतको हिमालय मोटरक्स प्रालिलाई नियुक्त गरेको छ ।
शोरुममा दिपलको एस ०७ र एल ०७ लगाएतका अन्य मोडेलहरु उपलब्ध हुने छन् । गाडि बुकिङ्ग गर्ने ग्राहकहरुलाई एक साता भित्रै गाडि उपलब्ध गराइने छ । दिपलको एस ०७ ई एसयूभी इन्टेलीजेन्ट र लक्जरियस रहेको कम्पनीको दावी छ । नेपालमा यो गाडिको मूल्य ७४ लाख ९९ हजार रुपैयाँ तोकिएको छ ।
सिंगल चार्जमा ४१० देखि ४८५ कि.मी रेन्ज प्रदान गर्ने कम्पनीले दावी गरेको छ । एल ०७ को मूल्य भने ६६ लाख ९९ हजार रुपैयाँ तोकिएको छ ।पोखराको नयाँबजार ८ मा रहेको हिमालय मोटरक्स प्रालिको शोरुममा गई दिपल गाडि बुकिङ्ग गर्न सकिने पनि कम्पनीले बताएको छ ।
हिमालय अर्गनाईजेशन अन्र्तगतको आयम इन्टरकन्टिनेन्टल प्रालि फोर्स मोटर्सका गाडिको लागि नेपालको आधिकारिक विक्रेता हो । विगत तीन दशकभन्दा बढि समयदेखि यस अर्गनाईजेशन अटोमोवाइल्स ब्यवसायमा सक्रिय रहदैं आएको छ । यो समूहका अध्यक्षमा ध्रुव थापा छन् । उनी नाडाको निर्वतमान अध्यक्ष समेत हुन् ।
