काठमाडौं । साताको चौथो कारोबार दिन ‘बिहीबार’ नेपाल स्टक एक्सचेन्ज (नेप्से) परिसुचक दोहोरो अंकले घटेको छ । कारोबार समयको सुरुवातदेखि ओरालो लागिरहेको नेप्से अन्तिम समयमा १३.८२ अंकले घट्दै २६ सय ५४ को विन्दुमा झरेर रोकिएको हो ।
आज कुल ३ सय ४७ कम्पनीका १ करोड ८ लाख ४ हजार बढी कित्ता सेयर किनबेच हुँदा कारोबार रकम ४ अर्ब ६२ करोड २७ लाख ७७ हजार रुपैयाँ कायम भएको छ ।
आज कारोबारमा आएकामध्ये २ सय २ कम्पनीको सेयरमुल्य ओरालो लाग्दा ६४ कम्पनीको सेयरमूल्यमा वृद्धि देखिएको छ । आज कारोबारमा आएकामध्ये ट्रेडिङबाहेकका सबै समुहको परिसुचक ओरालो लागेको नेप्सेले जानकारी दिएको छ ।
