काठमाडौँ , असोज ३ । अमेरिकी केन्द्रीय बैंक(फेड)ले ब्याजदर घटाएसँगै एशियाली सेयर बजारमा हरियाली छाएको छ । आज अधिकांश एशियाली सेयर बजारले वृद्धिका साथ कारोबारको सुरुवात गरेका छन् ।
अमेरिकी केन्द्रीय बैंकले ५० बेसिक प्वइन्टले ब्याजदर कटौती गर्ने निर्णय गरेसँगै आज जापानको सेयर बजार मापक इन्डेक्स निक्की२२५ इन्डेक्स २.५७ प्रतिशतले बढेको छ । टोपिक्स इन्डेक्स पनि आज २.३४ प्रतिशतले बढेको छ । आज जापानी येन डलरको तुलनामा ०.६८ प्रतिशतले कमजोर बनेको छ ।
आज हङकङको हाङसेङ इन्डेक्स पनि १.२० प्रतिशतले बढेको छ । यस्तै चीनको सीएसआई३०० इन्डेक्स १.२९ प्रतिशत र अष्ट्रेलियाको एस एण्ड पी÷एएसएक्स२०० ०.३५ प्रतिशतले बढेको छ ।
भारतको सेन्सेक्स पनि ५३२ अंक र निफ्टी५० पनि १४३ अंकले बढेको छ ।
