काठमाडौं । नेपाल ल्युब आयल लिमिटेडले एफपीओ रद्द निष्काशनको प्रस्तावलाई रद्द गरी हकप्रद निष्काशन गर्न विशेष साधारण बोलाएको छ । कम्पनीले माघ २९ गते विशेष साधारणसभा आह्वान गरेको हो ।
कम्पनीको विशेष प्रस्तावमा यस अघि निर्णय गरिएको प्रिमियममा एफपीओ निष्काशन गर्ने प्रस्ताव रद्द गरि १ः२ को अनुपातमा दुई सय प्रतिशत हकप्रद निष्काशन गर्ने प्रस्ताव पेश हुने छ । त्यस्तै कम्पनीले लुब्रिकेन्ट बाहेकका व्यवसाय गर्नको लागि दुई वटा सहायक कम्पनी खोल्ने निर्णय गरेको छ । सो को प्रबन्धपत्र र नियमावली तथा चुक्ता पुँजी तय गर्ने प्रस्ताव पनि सभामा पेश हुने छ। सभाले पारित गरेका निर्णय कार्यान्वयन गर्ने अख्तियारी संचालक समितिलाई दिने प्रस्ताव पनि सभामा पेश हुने छ ।
कम्पनीले विशेष साधारणसभा प्रयोजनको लागि माघ २७ देखि माघ २९ गतेसम्म बुक क्लोज गर्ने निर्णय गरेको छ। माघ २६ गतेसम्म कायम शेयरधनीले मात्र कम्पनीको विशेष साधारणसभामा भाग लिन सक्ने छन्।
