काठमाडौं, माघ १६ । चालू आर्थिक वर्षको दोस्रो त्रैमाससम्ममा ग्लोबल आइएमई लघुवित्तको खुद नाफा उल्लेख्य रूपमा बढेको देखिएको छ ।
लघुवित्तले समीक्षा अवधिमा ११ करोड ८३ लाख रुपैयाँ खुद नाफा कमाएको छ । गत आवको सोही अवधिको तुलनामा यो १४७.४२ प्रतिशतले बढी हो । गत आवमा लघुवित्तले ४ करोड ७८ लाख रुपैयाँ खुद नाफा कमाएको थियो ।
त्यस्तै, समीक्षा अवधिमा लघुवित्तले ३५ करोड रुपैयाँ खुद ब्याज आम्दानी गरेको छ । त्यसैगरी सञ्चालन नाफा पनि १४७.३३ प्रतिशतले बढेर १६ करोड ९० लाख रुपैयाँ पुगेको छ ।
कम्पनीको प्रतिशेयर आम्दानी ३८.२४ रुपैयाँ र प्रतिशेयर नेटवर्थ २००.३८ रुपैयाँ छ ।
